Extrait
En 1535, Jacques Cartier et ses compagnons sont pris dans les glaces et sont contraints d’hiverner tout près de Stadacone (Québec). Ils sont affectés bientôt par le scorbut qui décime l’équipage, jusqu’à ce que Cartier demande à Domagaya, le fils de Donnacona, chef de Stadaconé, un remède pour guérir de ce mal hivernal :
Il respondit qu’il avoit le jus & le marcq des fueilles d’ung arbre dont il s’estoit guary, & que c’estoit le singulier remede pour maladie. Lors ledict Dom Agaya envoya deux femmes pour en querir: lesquelles en apporterent neuf ou dix rameaulx, & nous monstrerent comme il failloit peller l’escorce & les fueilles dudict boys, & mettre tout boullir en eau, puis en boire de deux jours l’un, & mettre le marcq sur les jambes enflees & malades, & que de toute maladie ledict arbre guerissoit, ilz appellent ledict arbre en leur langaige Anneda.
Tost apres le cappitaine feist faire du breuvage pour faire boire es malades, desquelz n’y avoit nul d’eulx qui voulsist essayer ledict bruvage, synon ung ou deux qui se misrent en adventure d’icelluy assayer.
Tout incontinent qu’ilz en eurent beu, ilz eurent l’advantage qui se trouva estre ung vray & evident myracle. Car de toutes maladies dequoy ilz estoient entachez, apres en avoir beu deux ou trois foys, recouvrerent santé & guarison.